Oleiros, 26 de febreiro de 2014-. Este venres día 28 de febreiro ás 20.30 horas, o auditorio do centro cultural A Fábrica, acolle a presentación de Zugzwang, primeiro traballo discográfico de Paraphernalia Cuarteto. Un traballo composto por temas de autoría propias agás "Juju", do grande Wayne Shorter. Paraphernalia Cuarteto nace na cidade da Coruña no inverno de 2010 e está formado por Israel Arranz, ao vibráfono, Fernando Varela, á guitarra, Pablo Pérez, ao contrabaixo e Fernando Lamas, á batería. A entrada será libre, ata completar a capacidade da sala.