Oleiros, 21 de decembro de 2020-. A Deputación da Coruña iniciou novamente a licitación das obras de ampliación da estrada da Besta, que conecta o centro de Mera coa vía Ártabra, e que ascenden a 523.469,41 euros. Esta obra que xa fora contratada no 2018, leva meses paralizada debido a que a empresa adxudicataria incumpriu as súas obrigas e a Deputación rescindiulle o contrato.
“Por fin vanse abordar as obras de ampliación da estrada da Besta que estaban pendente. Denunciamos no seu día á empresa que estaba traballando porque incumpriu o contrato e agora a Deputación saca novamente a licitación do que queda pendente de realizar, que por problemas administrativos non se realizou antes”, dixo o alcalde Ángel García Seoane.