Oleiros, 23 de decembro de 2021-. A apertura da pista de xeo na polideportiva da avenida da II República, en Perillo, realizarase o vindeiro sábado día 25 de decembro. A atípica climatoloxía dos últimos días impide facelo antes desa data.
Tal e como estaba previsto, o horario será de 16.00 a 21.00 horas e os domingos, a maiores, de 11:30 a 13:30 horas. O custo desta actividade será de 5 euros por media hora, incluíndo todo o material necesario, agás os guantes que terá que levar cada persoa.
Si están abertas xa desde onte os carruseis e trens infantís, tanto na polideportiva da avenida da II República en Perillo como na praza de Esther Pita de Santa Cruz. O prezo de cada viaxe nestas atraccións é de 1 euro.