Oleiros, 29 de setembro de 2011-. O próximo 4 de outubro dará comezo a actividade lectiva na Escola Municipal de Música de Oleiros coa presentación para a elección dos horarios de Música e Movemento. Entre os días 5 e 6 de outubro terán lugar o resto das presentacións para a elección dos horarios tanto das especialidades instrumentais como do resto das materias.
Toda a información relativa aos horarios e presentacións está exposta no complexo cultural A Fábrica, sede da Escola Municipal de Música. A elección de horario é presencial, polo que a ausencia leva implícita a perda de quenda na elección dos horarios. As clases comezarán o mércores día 5 de outubro para o alumnado de Música e Movemento e o luns 10 de outubro para as demais materias.