Oleiros, 20 de xaneiro de 2012-. O próximo luns comezan as actividades de Ocioleios e Xoveoleiros, nas que participan ao redor dun millar de veciños e veciñas de Oleiros entre 14 e 65 anos. Aínda que os grupos cos diferentes participantes xa están formados, e algunhas actividades conta con lista de espera, aquelas persoas interesadas en apuntarse nalgunha das actividades onde queden prazas, poderán facelo ao longo da semana do 23 ao 27 de xaneiro no Centro Cultural A Fábrica en horario de 8.00 a 15.00 horas. Todas as actividades vanse impartir en instalacións municipais en horarios de tarde e noite e rematarán o 26 de maio do 2012.