Comida e saúde, programa de alimentación saudable
Dentro das accións de Educación para a saúde o tema que faltaría por abordar sería o da alimentación. Séguenos a preocupar a mala alimentación, os trastornos alimentarios así como os hábitos sedentarios da poboación máis nova. Tendo en conta todo isto, adaptamos os contidos a tratar, para que sen esquecer os temas dunha dieta equilibra e sá, abordar o tema do deporte, unha boa alimentación unida ao deporte.
Tendo en conta isto, o noso obxectivo fundamental é promover, non só a través deste programa senón do resto das accións, hábitos de vida saudable a nivel físico e emocional. Sentando así as bases do benestar do alumnado baseándonos nas súas necesidades reais por riba de presións sociais, mediáticas e de mercado.
Obxectivos xerais
- Promover valores, actitudes e hábitos que incidan nun modo de vida saudable e equilibrado tanto a nivel físico, como emocional.
- Reflexionar sobre algúns hábitos de vida que poidan indicar un trastorno alimentario.
- Manter unha actitude crítica antes os estilos de vida como elementos condicionantes da saúde e determinados por factores culturais e sociais, vinculado polo coonsumo de alimentos de orixe industrial e precociñados.
- Recoñecer os beneficios da actividade dportiva, en canto aos tres niveis da saúde: mental, físico e social.
Actividades
| ACCIÓN | CURSO | CONTIDOS |
|---|
| VIDA SAUDABLE | 1º ESO | - Qué é unha vida saudable?
- Que é a alimentación e a nutrición?
- Alimentos e nutrientes: tipos de nutrientes e as súas funcións.
- Os alimentos, tipos e clasificación.
- A roda dos alimentos.
- Necesidades enerxéticas: a dieta equilibrada.
- Mitos e fraudes en torno á alimentación. Os canons de beleza e o modelo imposto.
- Os trastornos alimenticios.
|
| ALIMENTACIÓN E DEPORTE | 2º ESO | 1ª sesión:
- Clasificación dos nutrientes segundo as súas funcións e poñelos en relación cos alimentos, e dentro destes recoñecer os máis saudables ou cun maior valor biolóxico. As cantidades necesarias varían segundo a idade, sexo e actividade deportiva, entre outros factores
- Importancia de manter no tempo: unha dieta saudable e actividade física, para evitar o efecto rebote, é dicir, incorporalo en hábitos, desterrando o concepto operación...
- A actividade deportiva como achega de valores como o sacrificio, o esforzo, a competividade, o traballo en equipo, danos confianza en nos mesmos, mellora a nosa autoestima, favorece as relacións sociais, prevén enfermidades, mantennos esveltos e fainos eliminar graxas e azucres acumulados, corrixe a nosa postura, achega maior control de corpo e fainos máis lixeiros e áxiles, destrae, relaxa, é unha alternativa de ocio grazas ás endorfinas, provoca sensación de felicidade e benestar. Favorece a sensación de pertenza a un grupo, favorece a relación co noso propio corpo.
2ª sesión:
- Hábitos de alimentación favorables, analizar os nosos hábitos e melloralos: comer en compañía e sen ver a tele, facer 5 comidas, mastigar.
- Os estilos de vida saudable: abandono do rural e a incorporación da muller ao mundo laboral, ao que se engade a publicidade, invitanos a consumir productos "improvisados", é dicir, precociñados ou que atopamos en máquinas expendedoras. Así mesmo se nos presentan productos que complementas os anteriores.
- A socialización da alimentación: modelos de beleza e trastornos alimenticios.
|
| P.G.U | IES | - Monólogo sobre os trastornos alimenticios a cargo de Pedro Brandariz
|
Destinatarios
- O alumnado de 1º e 2º da ESO.
