Cada 20, 21 de marzo comeza a primavera. Ese día celebramos o Día mundial da poesía. Bibloleiros quere sumarse a esta conmemoración pedindo a colaboración das-dos nosas-os lectoras-es. Participa en #VersosEn140 e envíanos versos a biblioteca.rialeda@oleiros.org, déixanolos escritos na Biblioteca Central Rialeda ou através de Contacta. Lembra que non podes exceder os 140 caracteres.
Poden ser propios ou alleos, en calquera idioma.
Afina o teu corazón e espalla os teus versos pola arañeira mundial adiante!!!
Na
Biblioteca Rosalía de Castro de Santa Cruz imos celebrar o
Día mundial da poesía dun xeito especial: convidamos a todos os nosos usuarios e
usuarias a
“Sementar de poesía os xardíns das Torres”. Durante toda a semana teremos unha serie de cartolinas en forma de flores diferentes, con poesías xa escritas e outras en branco nas que cada u
n pode
escribir palabras con xeito de poesías, retahílas, anacos de cancións, etc. Despois colgarémolas na parte exterior da biblioteca, no xardín que rodea o noso edificio e tamén na verxa da entrada.
O noso obxectivo
é achegar a poesía a todas e todos de xeito que non se vexa como unha arte minoritaria ou alonxada da actualidade e da realidade.
Na
Biblioteca Xograr Mendiño de Lorbé contamos cunha exposición bibliográfica de poesía infantil e unha actividade para debuxar sobre un poema. Estará toda a semana para todas-os que queran participar.
