10 de abril: Encontro literario co escritor Xavier López Rodríguez - Concello de Oleiros

Campaña de animación á lectura

Campaña de animación da lectura

A Campaña de promoción da lectura realízase co fin de que o alumnado dos centros de ensino público deste Concello adquiran gusto pola lectura e amor polos libros, así como que coñezan algunhas das bibliotecas municipais para que as visiten e utilicen no horario en que non permanecen nos respectivos centros de ensino.

OBXECTIVOS:

- Coñecer algunhas das bibliotecas do Concello de Oleiros.

- Potenciar a asistencia ás bibiotecas municipais, non só como lugar de estudo e consulta, senón tamén como centros de lectura lúdica.

- Espertar o gusto pola lectura, de forma que vexan os libros como algo ameno, cos que poden pasar bos momentos ao mesmo tempo que se instrúen e amplían os seus coñecementos.

- Achegarnos pola vía da animación aos sectores menos dados á lectura, a aqueles nenos/as, adolescentes e mozos/as, que non sinten ningún interese por esta.

- Favorecer procesos de creación e expresión oral e escrita.

- Fomentar unha lectura lúdica, crítica e reflexiva que os faga pensar e reflexionar como cidadáns/as máis libres e solidadarios/as.

- Vivir o libro en colectividade, enriquecéndose cunha lectura activa e participativa.

- Promover a reflexión nos diferentes axentes educativos sobre a importancia da lectura como enriquecimento individual e colectivo.

- Incidir na importancia dos libros de contos, narracións e historietas no desenvolvemento da imaxinación e creatividade dos/das nenos/as, adolescentes e mozos/as.

LUGARES DE REALIZACIÓN:

- Biblioteca Central Rialeda, en Perillo.

- Biblioteca Pública Municipal e Centro de Documentación da Muller "Rosalía de Castro", en Santa Cruz.

- Biblioteca Pública Municipal "Manuel María", en Oleiros.

DESTINATARIAS/OS:

Alumnado dos centros de ensino público de Oleiros.

ACTIVIDADES:

En función das necesidades e da programación de cada centro realizaranse actividades específicas para os distintos centros que as soliciten:

- Presentación da biblioteca e explicación do seu funcionamento.

- Contacontos.

- Narración ou dramatización de contos.

- Actividades literarias.

- Encontros con autores/as.

- Obradoiros de ilustración.

Asset Publisher

Back 10 de abril: Encontro literario co escritor Xavier López Rodríguez

Xavier López Rodríguez naceu en San Ciprián de Hermisende, unha aldea de Zamora na que se fala galego. É xornalista e escritor e na súa autobiografía da Biblioteca Virtual Galega dinos que do xornalismo gústalle poder dar voz aos que non a teñen, realizar reportaxes sobre marxinados, xentes con poucos bens materiais e moitos problemas. Tamén nos di que “entreter e emocionar” é o que busca cando escrebe. Estará no Teatro "As Torres" de Santa Cruz con todo o alumnado de 3º de ESO do IES Miraflores de Oleiros, o martes 10 de abril.

Ademais de “Cor gris vida” outras obras del son “O anano enredador”, “Amigo medo”, “Linguas longas”, “Destrucción” (novelas), “Brumoso” ou “Días de desterro”, “O aliado inesperado”, “Noitebra”, “A citación” (novelas xuvenís), “Cacaborro” ou “Lixo” (X2-G), “A serea do deserto”, “Coma unha pluma liviá” (X-G), “O dromedario nadador” “Un burro hippy”, “Os globos de andar” (premio Meiga Moira de literatura infantil e xuvenil no 2008), “O dromedario nadador”, “A alfombra falsa”, “Castiñeiro e compaña”, “O neno que matou a Deus”, “Voces de vacas”, ou “Catro pitas” para nenos/as pequenos, ou a obra “Outros heroes : Iglesias, Juanatey, Rial, de volta dunha viaxe polo lado salvaxe” publicada en Edicións Positivas, que fala sobre a drogadicción.

Gustaríanos que nos falase do proceso de creación da súa obra “Cor gris vida”, pero tamén da diferenza entre o seu traballo como autor de novelas e o do xornalismo, entre escribir un relato e un artigo xornalístico.