Oleiros, 12 de decembro de 2017-. Papá Noel estará o vindeiro sábado día 16 de visita no Mercado Municipal, en Perillo. O encargado de traer os agasallos de nadal aos nenos e nenas desprazarase ata este recinto comercial con motivo da festa de Nadal que celebrarán os praceiros.
Durante as festas, o mercado abrirá de maneira excepcional os domingos 24 e 31 de decembro de 9:00 a 14:00 horas. Con estas aperturas especiais preténdese facilitar as compras de última hora e a recollida dos pedidos.