Oleiros, 29 de xuño de 2012-.O Concello de Oleiros descubriu esta mañá un monumento na localidade de Mera cuxo principal obxectivo é denunciar os numerosos casos de queima de árbores en zonas públicas urbanas que está sufrindo o municipio nos últimos anos. Na estatua pódese ler unha lenda que di: «Aos delincuentes ecolóxicos. In memoriam».
A peza, que representa a silueta dunha árbore de aproximadamente cinco metros de envergadura, pretende concienciar á cidadanía de Oleiros da gravidade destes actos e animar aos veciños e veciñas a denunciar aos causantes destas fechorías, segundo sinalou o alcalde, Ángel García Seoane. A árbore de ferro instalouse no paseo Manuel Rial, fronte ao edificio A Perla, lugar onde fai menos dun ano envelenouse con pesticida unha zona verde na que se secaron catro palmeiras de gran tamaño.