Oleiros, 30 de setembro de 2019-. A próxima das saídas do programa Andares por Galicia, A cultura da Natureza será o vindeiro 19 de outubro. As persoas participantes van realizar unha ruta de sendeirismo polo Parque Natural de Corrubedo, entre Aguiño e o Faro de Corrubedo.
A distancia a percorrer é de 16 km e está cualificada como de dificultade media. Durante o traxecto visitarase o Porto de Aguiño, a Punta de Couso, a Lagoa de Vixán ou a Duna móbil de Corrubedo, entre outros lugares.
O prazo de inscrición para esta excursión abre o martes día 1 de outubro. Para apuntarse ou obter máis información é preciso dirixirse ao Departamento de Cultura do Concello de Oleiros, situado no centro cultural A Fábrica, ben fisicamente ou a través do teléfono 981 636 598 ou do correo electrónico cultura@oleiros.org.