Oleiros, 27 de novembro de 2017-. O Concello de Oleiros segue a traballar intensamente para combater a invasión da avespa asiática. O Servizo Municipal de Emerxencias leva retirados no que vai de ano 588 niños primarios de avespas velutinas en distintos lugares do termo municipal.
Ademais, o Concello de Oleiros ten localizados outros 8 niños pendentes de retirar pola súa elevada altura e para os que se solicitará a colaboración do Concello da Coruña. Ata o momento, o Consorcio Provincial de Emerxencias rexeitou prestar a axuda demandada.