Oleiros, 2 de outubro de 2017-. A Federación de Gremios de Editores do Estado, que acubilla a máis do 90% das editoriais privadas, faralle entrega o vindeiro xoves ao Concello de Oleiros do prestixioso Premio Fomento de la Lectura a Bibliotecas abiertas al público. O Sistema de Bibliotecas Públicas Municipais e as numerosas actividades de promoción da lectura que se desenvolven ao longo do ano foron determinantes para acceder a este importante recoñecemento.
O galardón será entregado en Madrid, no marco da Feira Internacional do Libro. O alcalde de Oleiros, Ángel García Seoane, manifestou a “importante satisfacción” do Goberno municipal por recibir un premio tan importante no que se elixe o mellor sistema de bibliotecas de toda España.