Oleiros, 16 de outubro de 2011-. O Concello de Oleiros a través da concellaría de Servizos Sociais, Sanidade e Consumo e da concellaría de Ensino e Mocidade, iniciará ao longo esta semana unha campaña de recollida de alimentos nos centros de educación públicos do municipio. A campaña, que en principio se prolongará ata o próximo 31 de outubro, ten por obxectivo conseguir alimentos que se poidan distribuír a través do economato social que a ONG Equus Zebra ten na cidade da Coruña e que abastece de artigos de primeira necesidade a máis de 200 familias con dificultades socioeconómicas na comarca.
Cada escolar poderá levar os produtos ao seu centro escolar onde estará instalado un punto de recollida durante o período que dure a campaña. Poderanse levar alimentos non perecedoiros, talles como azucre, arroz, latas de conservas pasta, fariña etc. Ademais recolleranse produtos de hixiene persoal.
O Goberno local de Oleiros pretende contribuír a manter este proxecto solidario destinado a apoiar aquelas persoas que peor o están pasando nestes momentos de crises e desemprego, á vez que se transmiten aos nenos e nenas do municipio valores de solidariedade, compromiso e apoio aos máis desfavorecidos.