As únicas actuacións salientables foron o rescate de dúas persoas atrapadas en ascensores de Perillo e Santa Cruz. Tamén foi necesario achicar auga dun garaxe da rúa Revolta que se inundou ao deixar de funcionar as bombas.
Coa chegada da noite as rúas quedaron totalmente baleiras. A electricidade foi recuperándose entre a 1 e as 3 de madrugada, restablecéndose tamén o alumeado público.
Todas as instalacións municipais están abertas con normalidade e as distintas actividades organizadas polo Concello tamén se van desenvolver nos seus horarios habituais. Só quedarán adiadas as actividades de envellecemento activo previstas para hoxe.