Oleiros, 9 de xaneiro de 2012-. O Concello de Oleiros rematou o traslado de varios departamentos municipais situados no edificio Obelisco que o pasado 1 de xaneiro pasaron a desenvolver a súa actividade nas novas dependencias da complexo cultural A Fábrica, en Perillo, onde o Concello habilitou unhas novas oficinas en parte do espazo liberado polo traslado da sede da Escola Municipal de Danza e no edificio anexo que xa era utilizado por Deportes e Xuventude.
Pola súa parte o espazo liberado polos departamentos de Ensino e Cultura no edificio Obelisco destinase a ampliar as instalacións do departamento de Servizos Sociais, que ata a data desenvolvíana súa actividade neste complexo, pero en situación precaria debido á falta de espazo.