Oleiros, 14 de setembro de 2011-. A Escola Municipal de Música abre esta tarde un punto de información que permanecerá operativo ata o comezo de curso. Neste punto de información os veciños e as veciñas interesados poderán solucionar todas aquelas dúbidas en relación ao tipo de formación que se imparte, horarios, prazos de inscrición e matrícula e outro tipo de información relacionada coa actividade docente. O horario de atención ao público será todas as tardes de luns a venres desde as 17.00 ata as 20.00 horas. Aqueles veciños que non poidan desprazarse ata o complexo cultural A Fábrica, en Perillo, poderán contactar a través do teléfono 981 639 143.
Pola súa banda, a Escola Municipal de Danza abrirá este servizo o próximo luns día 19. O punto de información estará localizado dentro das dependencias da nova sede da escola, na avenida Valle Inclán. O horario de atención ao público desta oficina será de 16.00 a 22.00 horas. Do mesmo modo que no caso da Escola Municipal de Música, aqueles veciños que non poidan desprazarse poderán resolver as súas dúbidas vía telefónica a través do 981 639 155.