Oleiros, 25 de setembro de 2012-. O Concello de Oleiros, a través da rede municipal de bibliotecas, organiza 40 novas sesións de contacontos ata final de ano. Estas actividades enmarcadas no programa a Hora de conto están dirixidas a nenas e nenos menores de 10 anos.
Os obxectivos que se intentan conseguir son que as nenas e nenos participantes se divirtan escoitando contos, facer novas lectoras e lectores ou consolidarlles este hábito, que descubran a diversidade dos libros e o pracer pola lectura e que vivan o libro en colectividade xunto con outras nenas e nenos.
Na actividade participan as contadoras e contadores Pablísimo, Soledad Felloza, Paula Carballeira, Pavís-Pavós, a Tropa de Trapo, Marisa Irimia, Ramiro Neira, Inés Cuadrado, Pedro Brandariz, Caxoto, e a Compañía Trinke-Trinke. Todas as sesións terán lugar ás 18.30 horas.
Calendario:
Biblioteca Central Rialeda. Perillo
Outubro: os xoves, días 11, 18 e 25
Novembro: os xoves, días 8, 15, 22 e 29
Biblioteca Pública Municipal Rosalía de Castro. Santa Cruz
Outubro: os mércores, días 10, 17, 24 e 31
Novembro: os mércores, días 7, 14, 21 e 28
Decembro: o mércores, día 5
Biblioteca Pública Municipal Manuel María. Oleiros
Outubro: os martes, días 16 e 30
Novembro: os martes, días 6 e 20
Decembro: o martes, día 4
Biblioteca Pública Municipal Mª José Trincado. Mera
Outubro: os venres, días 5 e 19
Novembro: os venres, días 9 e 23
Biblioteca Pública Municipal Mª José Ruso. Dorneda
Outubro: os luns, días 15 e 29
Novembro: os luns, días 12 e 26
Biblioteca Pública Municipal Ánxel Fole. Nós
Outubro: o venres, día 26
Novembro: os venres, días 16 e 30
Decembro: o venres, día 14
Biblioteca Pública Municipal Federico García Lorca. Montrove
Outubro: os martes, días 9 e 23
Novembro: o martes, día 13
Biblioteca Pública Municipal Xograr Mendiño. Lorbé
Outubro: o mércores, día 24
Novembro: os mércores, días 7 e 21
Decembro: o mércores, día 5