Oleiros, 29 de agosto de 2013-. Dentro do programa de rutas de sendeirismo que organiza o Centro de Información Xuvenil do Concello de Oleiros "ANDARES POR GALICIA", o sábado día 7 de setembro realizaremos unha ruta pola zona dos Canóns do Sil. A saída será desde a rotonda de Santa Cristina as 08.30 h.
Trátase dunha ruta un pouco dura, de 15 Km reais e uns 700 m de desnivel. O itinerario é moi variado e fermoso. Inclúe paso polo Mosteiro de Sta. Cristina de Ribas do Sil. A volta será sobre as 20.00 h á rotonda de Sta. Cristina.
A inscrición poderase realizar chamando A Fábrica, ao 981 636 598, ou ao número de atención ao veciño, 981 610 000. O prazo remata o xoves 5 de setembro.