Oleiros, 17 de marzo de 2014-. O Concello de Oleiros informa de que o prazo para solicitar a prestación familiar por fillo/a a cargo menor de 3 anos permanecerá aberto ata o próximo 26 de abril. Está dirixida a todos os menores nacidos entre o 02/01/2011 e o 01/01/2014 de unidades familiares nas que se cumpran uns determinados requisitos económicos. A contía da axuda é de 360 euros é de pago único.
A convocatoria da dita axuda está publicada no DOG do 17 de marzo de 2014. Para unha maior información poden dirixirse ao Departamento de Servizos Sociais do Concello de Oleiros, onde tamén poderán coller as solicitudes.