Oleiros, 2 de xaneiro de 2013-. Ábrese o prazo para participar no Programa de Termalismo Social, as persoas interesadas poden informarse no Departamento de Servizos de Sociais de Oleiros. Neste programa poden participar todas aquelas persoas que sexan pensionistas do sistema da Seguridade Social, tanto de xubilación como de invalidez, así como de viudedade ou doutro tipo e teñan mais de 60 anos de idade. Outro requisito é valerse por se mesmo nas actividades da vida diaria.
O programa ofrece prazas en balnearios, con tratamentos termais básicos e actividades de animación, en réxime de aloxamento e pensión completa. As quendas teñen unha duración de entre 10 e 12 días e a oferta inclúe balnearios de todo o estado, existindo unha ampla oferta nas catro provincias galegas.
As solicitudes que se presenten antes do 16 de xaneiro terán prioridade na adxudicación, nas quendas de febreiro a agosto, e as que se presenten ata o 16 de maio nos de setembro a decembro. Non obstante, pasados eses prazos poderán presentar igualmente as súas solicitudes para ser incluídos nas listaxes de espera.