Oleiros, 25 de xuño de 2018-. A Xunta de Galicia informou ao Concello de Oleiros que impulsará o despregamento da rede de banda larga para o acceso ultrarrápido a internet en diferentes zonas do municipio. O Estado concedeu unha subvención de 18,5 millóns de euros para toda Galicia que se destinarán a que os operadores poidan seguir co despregamento destas redes.
As localidades nas que están previstas as actuacións son: Lorbé, Aguieira, Augarrío, Breixo, O Couto, Lourido Pequeno, Sisaldo, Abeleiras de Abaixo, Campo da Vila, Fontes, A Xesta, Maianca, Agra da Pedra, A Gándara, Punxeiro e Xoez.