Oleiros, 19 de outubro de 2020-. Volve a programación do Apego para promover a lingua entre as familias con nenos e nenas de 0 a 6 anos. Teatro, contacontos, cancións e moitas máis actividades...
Este sábado día 24, ás 18:30 horas, chega ao centro cultural A Fábrica As pitas baixo a choiva, de Teatro dos Ghazafellos. Este espectáculo adapta o conto “As pitas baixo a choiva” de Ricardo Carvalho Calero, a quen este ano se lle dedica o Día das Letras Galegas. Está recomendado para nenos e nenas a partir de 3 anos.
A entrada é gratuíta, mais hai que reservala facendo a inscrición a través do formulario habilitado, que estará aberto ata as 14:00 horas do 23 de outubro, ou ata completar a capacidade do auditorio.