Oleiros, 26 de febreiro de 2018-. Todas as persoas maiores de 60 anos do municipio están invitadas a acudir á presentación do programa Ven e Descubre 2018 o próximo venres 2 de marzo, ás 18:30 horas, no auditorio do centro cultural A Fábrica. Este programa engloba todas as actividades de excursionismo e sendeirismo interpretativo dirixidas ás persoas maiores de 60 anos empadroadas no Concello de Oleiros.
O Ven e descubre é un programa de calidade no que o divertimento vai acompañado da aprendizaxe, da cultura e da historia, a través de viaxes aos puntos máis fermosos de Galicia. Conta con máis de 20 anos de funcionamento, pero ano tras ano vai evolucionando e introducindo pequenas novidades para adaptalo aos gustos e intereses dos seus participantes.