O feito de que pretendan dar por rematada a obra sen conectar os paseos de Oleiros e Cambre causa unha grande perplexidade, pois resulta inaudito realizar un recheo deixando sen rematar as obras necesarias para permitir a súa conectividade, creando o treito que falta para garantir a mobilidade da poboación -cando chegaron a talar algunhas árbores para realizar ese paseo-.
Ata o momento, tampouco se habilitou para o baño zonas de Agramar e Beiramar, que antes da contaminación da ría si tiveran ese uso. Eses espazos poderían ser rexenerados con area de Santa Cristina.