Oleiros, 27 de novembro de 2022-. Debido á realización dunha obra de reparación da rede xeral de saneamento na avenida Rosalía de Castro, á altura do cruce coa rúa Pombal, será preciso proceder a efectuar un corte de tráfico no tramo final da avenida mañá luns día 28 e o martes día 29, en horario de 08:00 a 18:00 horas. Os vehículos serán desviados cara a rúa Pombal, agás os residentes no tramo afectado aos que se lles permitirá o acceso provisional aos seus garaxes.