Oleiros, 3 de abril de 2019-. Os grupos de intermedio e avanzado de Danzas Urbanas da Escola Municipal de Danza, coreografiados por Lily Fernandes, e o alumnado da Escola Municipal de Música de combo avanzado, canto, trombón, trompeta e saxofón, dirixidos por Nacho Goris, Rosalía Vázquez e Alberto Piñeiro, participarán o venres no XVII Festival Intercentros. A gala celébrase no Coliseum da Coruña a partir das 17:00 horas.
As entradas para o evento teñen un custo de 7 euros. A recadación irá destinada de maneira íntegra a ASPANAES e o Fogar de Sor Eusebia. Durante toda a tarde, ademais, recolleranse alimentos non perecedeiros para o Fogar de Sor Eusebia.