de 30 de outubro a 3 de decembro
De 30 de outubro a 3 de decembro na Biblioteca Municipal Rosalía de Castro (Santa Cruz) estará exposta unha selección de libros infantís con temática de Samaín.
O obxectivo é fomentar a lectura mediante contos e relatos de misterio, bruxas e monstros adaptados ás nosas crianzas.
O espazo decorouse para crear un ambiente festivo e acolledor. Esta exposición permitirá achegar a literatura aos nenos e nenas de forma divertida e fortalecer o vínculo coa comunidade.