Oleiros, 4 de agosto de 2014-. O pasado 31 de xullo, o grupo do Goberno local leu unha declaración durante o pleno ordinario que se celebrou na Casa Charry. O texto censura o holocausto que se está a levar a cabo e no que as matanzas masivas e os campos de concentración levan tempo sendo a realidade que se vive cada día nos territorios ocupados.
Ademais a moción sinala a necesidade de sacar á luz estas atrocidades, e que isto debe de constituír o deber irrenunciable xa non de xornalistas ou analistas, senón de todos nós, de toda a cidadanía e de todos os representantes do pobo. Deste xeito non cabe outra que condenar o ataque criminal perpetrado polo Estado de Israel contra a franxa de Gaza, reclamando o cese inmediato dos ataques e bombardeos israelís contra o pobo palestino.