O programa terá lugar desde o 1 de outubro de 2025 ata o 12 de xuño de 2026, cunha sesión semanal durante todo o curso académico, seguindo o calendario escolar. A inscrición deberá realizarse na piscina correspondente, segundo a actividade asignada a cada centro educativo. Para formalizar a matrícula será necesario entregar DNI, xustificante de IBAN e libro de familia numerosa, se procede.
O programa conta con prezos públicos reducidos, con tarifas especiais para persoas abonadas e bonificacións adicionais para familias numerosas. Así, para educación infantil a cota mensual sitúase en 10,04 euros para non abonados e 5,29 euros para abonados, mentres que para educación primaria será de 6,83 e 3,60 euros respectivamente.
No caso de que a demanda supere as prazas dispoñibles, o Concello realizará un sorteo público no auditorio da Fábrica para garantir a igualdade de oportunidades no acceso.