Ao longo do mes de maio os cinco centros de primaria públicos puideron gozar dos obradoiros Quen dis que era Francisco Fernández del Riego? organizados polo Servizo de Normalización Lingüística.
Esta actividade en formato xincana percorreu os centros para o alumnado de 3º, 4º, 5º e 6º de primaria. A través das probas o alumnado foi coñecendo o autor homenaxeado no Día das Letras Galegas deste ano e en parellas foron resolvendo as probas para logo, entre toda a clase, dar co enigma xeral.
Con esta actividade, ademais de estudar a figura da persoa homenaxeada, promóvese a lingua e o traballo en equipo dun xeito divertido.