Oleiros, 4 de marzo de 2020-. Esta vindeira fin de semana, un grupo da especialidade de danzas urbanas da Escola Municipal de Danza de Oleiros participará no “XIV edición dos Workshops Internacionais FEBRUARY HIP HOP LEÓN XIII 2020”, que terá lugar na cidade de León os días 6, 7 e 8 de marzo.
O sábado 7 os rapaces e rapazas de Oleiros participarán en distintos obradoiros impartidos por algúns dos mellores coreógrafos do panorama actual na especialidade de danzas urbanas. O domingo 8 celebrarase a competición na categoría “youth” (anos 2002 a 2004).