Oleiros, 2 de maio de 2022-. O vindeiro sábado 7 de maio celébrase a Festa da Lingua nas Torres de Santa Cruz. A xornada constará de tres espectáculos culturais dirixidos aos nenos e nenas do municipio maiores de 2 anos.
A Festa da Lingua comezará ás 12:30 horas con Contos Musicados de Lydia Botana. Ás 17:00 horas continuará Paparroibo con Varietés do animalario e finalizará ás 18:30 horas coa Música das Buguinas protagonizado por Mamá Cabra e Bellón e Maceiras.
As inscricións pódense realizar de maneira previa ao día dos espectáculos a través dos formularios habilitados desde a web municipal.