Nesta actividade realízase o comentario de obras de distintos xéneros literarios, principalmente narrativa contemporánea, nun ambiente de familiaridade, procurando o lado formativo e á vez, lúdico da lectura.
O principal obxectivo desta actividade é animar a ler e a gozar da literatura como un desenvolvemento da capacidade de creación e comunicación, de maneira que compartindo ideas e eflexionando sobre temas diversos poidamos enriquecernos cos diferentes puntos de vista.
Preténdese ir descubrindo a maneira de escribir de cada autor ou autora, os distintos estilos, o tipo de linguaxe que utilizan e analizar os textos escritos, os procedementos e as características máis importantes de cada obra. A actividade complétase con encontros con escritoras e escritores.
Estas son as Tertulias literarias previstas para a tempada 2010-2011:
- 27 de outubro, ás 17:30 horas: Presentación e primeira sesión. Grupo A. Programación
- 27 de outubro, ás 19:00 horas: encontro literario con Xavier Seoane, que falará da súa recopilación poética Raíz e soño (Canción de Oleiros) 1976-2008
- 8 de novembro, ás 17:30 horas: Segunda sesión. Grupo A. Programación
Pre-inscrición aberta dende o 27 de setembro.
Moi importante: a entrada nos grupos dependerá da existencia de vacantes con respecto á participación da tempada anterior. A tal efecto crearase unha lista de espera.
A frecuencia da actividade é quincenal.
Cada sesión terá lugar os mércores (excepto festivos) cunha duración de 2 horas.
Máis información no teléfono 981 639 511.