O 30 de maio realizouse a segunda sesión dos Cafés en Lila coa escritora, activista e docente Andrea Nunes Brións (Marín, 1984) na Biblioteca Central Rialeda.
O martes 30 de maio tivo lugar na Biblioteca Central Rialeda o segundo Café en Lila. Con estes, buscouse achegar á poboación oleirense autoras galegas do panorama actual que realicen as súas obras na lingua do territorio. Así, nun ambiente relaxado e distendido, con café e petiscos, conversamos directamente coas autoras das súas obras, da escolla temática, do proceso de creación, os obstáculos atopados polo camiño etc.
Para esta segunda sesión dos Cafés en Lila, contamos coa escritora, activista e docente Andrea Nunes Brións (Marín, 1984). Vinculouse desde os seus comezos á actividade poética e ao activismo feminista, unindo ambas. Os seus versos foron publicados en numerosas revistas, xornais e libros colectivos. Na actualidade, pertence ao colectivo As Candongas do Quirombo, forma parte da equipa crítica literaria feminista de A Sega e é profesora no ensino secundario en Santiago de Compostela.
Con ela, conversamos sobre os activismos desde a expresión oral e escrita, o poético-político arredor do transfeminismo, o activismo gordo, o anti-capitalismo, a igualdade, o LGTBIQA+... .
Ao final desta publicación recóllese información ampliada da autora e algunhas imaxes da sesión coas persoas participantes.
