O Concello de Oleiros acometerá obras de mellora nas instalacións das oficinas xerais sitas na planta baixa da Casa do Concello polo que deberán pechar o seu atendemento ao público desde as 13:00 horas do venres 24 ata as 11:00 horas do luns 27 de novembro.
As persoas usuarias que teñan que facer algún tipo de rexistro ou comunicación de forma presencial á Administración poderán efectualas nos rexistros sitos na Facenda Municipal (Avda. Francisca Herrera, 3-Oleiros), no Centro Cultural A Fábrica (Rúa do Inglés-Perillo), no Departamento de Servizos Sociais (Avda. Che Guevara, 45-Casa Echeverry-Perillo) ou en calquera outro rexistro oficial. Por outra banda, está dispoñible 24h o rexistro a través da Sede Electrónica na web municipal.