O 61% dos recursos destinaranse a bens correntes, servizos básicos e persoal, para fortalecer aínda máis a prestación de servizos públicos; cun incremento do 13% no caso dos gastos correntes destinado a mellorar o servizo de limpeza viaria, ampliar o mantemento de zonas verdes e dotar de máis calidade a atención ao servizo de axuda no fogar.
Tamén se realizará un investimento moi significativo en novas obras e servizos. Está previsto dedicar 14,6 millóns de euros para numerosas actuacións de asfaltados, melloras e creación de novos tramos de beirarrúas, renovacións da iluminación pública; melloras en parques e instalacións deportivas, sociais e culturais; obras de eficiencia enerxética en edificios municipais; e renovacións de redes de abastecemento de auga, saneamento e pluviais.
En canto aos ingresos, os impostos directos e indirectos supoñen igual que en anos anteriores un 30% do total. O 29% correspóndese aos ingresos procedentes doutras administracións e o outro terzo, aínda que figura como un pasivo financeiro, realmente procederá dos remanentes de Tesourería propios do Concello tras o peche do presente exercicio 2023.
A próximo semana celebrarase unha asemblea coas entidades veciñais máis representativas na que o alcalde presentaralles o documento antes da súa aprobación no pleno municipal.
GASTOS
- Persoal: 12.279.860,00 €
- Gastos correntes: 14.844.640,00 €
- Gastos financeiros: 56.780,00 €
- Transferencia correntes: 1.515.730,00 €
- Fondo continxencia: 350.000,00 €
- Investimentos reais: 14.658.675,00 €
- Transferencia capital: 30.000,00 €
- Activos financeiros: 36.000,00 €
- Pasivos financeiros: 38.315,00 €
INGRESOS
- Impostos directos: 12.084.000,00 €
- Impostos indirectos: 1.400.000,00 €
- Taxas e prezos públicos: 4.748.126,88 €
- Transferencias correntes: 12.980.078,00 €
- Ingresos patrimoniais: 449.500,00 €
- Alleamento invest. Reais: 0,00 €
- Transferencias capital: 967.438,05 €
- Activos financeiros: 36.000,00 €
- Pasivos financeiros: 11.144.857,07 €