Oleiros, 28 de outubro de 2015-. O sábado 31 de outubro ás 20:30 horas no Auditorio Gabriel García Márquez, de Mera, a compañía teatral Espello Concavo presentará o seu espectáculo ”Romano”, escrito e dirixido por Lino Braxe. O espectáculo está dirixido a maiores de 12 anos e as entradas poñeranse á venda a un prezo de 3,50 euros a partir das 19:30 horas, ata completar a capacidade da sala.
Lino Braxe e Manuela Varela dan vida á historia dun senador romano que logo de vivir a Roma de Augusto, as atrocidades de Tiberio e os delirios de Calígula, decide regresar á súa cidade natal, Tarento, lonxe da barabrie sanguinaria.