Oleiros, 7 de novembro de 2013-. O auditorio do complexo cultural A Fábrica acolle mañá venres 8 novembro ás 21.00 horas o concerto da banda de jazz Monkillos. A entrada será libre ata completar a capacidade da sala.
Monkillos nace como banda no ano 2005. Actualmente está formado por Marcelino Galán (guitarra), Xacobe Martínez (contrabaixo) e Miguel Cabana (percusión). Esta agrupación jazzística interpreta temas de Thelonious Monk, engadíndolle un peculiar toque de flamenco e son cubano.