No encontro celebrado en Oleiros, os alcaldes dos 4 municipios mantiveron unha reunión co director de Emalcsa, Jaime Castiñeira, para sentar as bases do convenio de colaboración. O obxectivo común é garantir un servizo de abastecemento de auga eficiente, sostible e dimensionado ás necesidades actuais e futuras da veciñanza.
O deseño e redacción dos proxectos será asumido directamente por Emalcsa, tanto no que atinxe ás conducións principais como ás actuacións nas redes locais. A próxima fase do proceso consistirá nunha nova reunión técnica entre persoal especializado dos catro concellos e da empresa de augas, na que se detallarán as necesidades específicas de cada municipio.
Vaise optar pola solicitude dunha subvención á Unión Europea como principal vía de financiamento, aínda que tamén se contemplan outras alternativas. Pola súa banda, cada Concello deberá aportar a cantidade correspondente as súas necesidades.