A partir do vindeiro martes día 24 de maio, procederase á renovación da rede de abastecemento de auga en varias rúas do centro de Mera. O primeiro corte de circulación realizarase na rúa Doutor Fleming, polo que o tráfico quedará desviado pola rúa Parameiras e a rúa Xúpiter.

O Concello sacou a contratación por importe de 73.815,94 euros a obra de mellora da eficiencia enerxética da Escola infantil da Braña, en Mera. Con esta actuación van renovarse as fiestras, repararse a cuberta, mellorar a fachada e cambiar a iluminación, entre outras cousas.