Novas

O Concello de Oleiros lamenta profundamente o falecemento de Xosé Manuel Beiras

Sara López Gómez — Thu, 08 Oct 2026 12:52:00 GMT

O Concello de Oleiros quere expresar o seu fondo pesar polo pasamento de Xosé Manuel Beiras. Figura imprescindible da historia contemporánea de Galicia, merece ser recordado como un dos grandes referentes políticos pola súa firme defensa da democracia e dos principios socialistas e soberanistas.

O Concello rompe unha vez máis o bloqueo contra Cuba que recibe un novo contedor con material escolar e sanitario

Sara López Gómez — Wed, 07 Oct 2026 13:13:00 GMT

Ademais da campaña permanente de denuncia política do bloqueo, o Concello realizou un novo envío de material educativo e sanitario á illa que acaba de ser recibido en La Habana. En concreto foi entregado á Institución Religiosa Quisicuaba que o repartirá en diversos centros hospitalarios e en 5 escolas de primaria e un círculo infantil (Domingo Lence Novo, José Martí Pérez, Alejandro González Brito, Livia Goberneur e Círculo Infantil " El Zunzun"), na provincia de Artemisa.

O Concello organiza un obradoiro de autodefensa feminista

Pablo Cibeira Taboada — Tue, 06 Oct 2026 11:51:00 GMT

O Concello de Oleiros continúa desenvolvendo o programa «Coñecerse é vivirse», orientado a crear espazos de encontro, aprendizaxe e reflexión arredor do coñecemento do corpo, o benestar e a saúde das mulleres desde unha perspectiva integral. Nesta ocasión, o programa incorpora o Obradoiro de autodefensa feminista, unha proposta práctica e vivencial centrada no autocoñecemento corporal, na adquisición de recursos básicos de protección persoal e no fortalecemento da confianza, a seguridade e a capacidade de resposta ante situacións de vulnerabilidade.

Documental sobre o proceso de creación dunha obra de teatro, o xoves 8 nas Torres de Santa Cruz

Sara López Gómez — Tue, 06 Oct 2026 06:52:00 GMT

O vindeiro xoves 8 de outubro ás 19.00 horas o teatro das Torres acolle a estrea do documental NON DAMOS PUNTADA SEN FÍO, VII Premio Luísa Villalta a proxecto pola igualdade 2025 da Deputación da Coruña.

Cortes na rúa do Mar o venres pola rodaxe da serie Clanes

Sara López Gómez — Mon, 05 Oct 2026 12:04:00 GMT

Debido á rodaxe da serie Clanes, o vindeiro venres 9 de outubro haberá cortes de tráfico na rúa do Mar, en Dorneda, desde as 17:00 horas ata as 5 da madrugada. O corte será necesario para facilitar o desenvolvemento das tarefas de filmación e garantir a seguridade das persoas participantes e do persoal técnico.

Novas obras de asfaltado de rúas e camiños municipais cun investimento de medio millón de euros

Sara López Gómez — Sun, 04 Oct 2026 07:30:00 GMT

O Concello de Oleiros investirá nas próximas semanas 497.054 en diversas obras de asfaltado. En concreto vaise renovar o pavimento da rúa Os Regos, rúa Miño e rúa Aro, así como un tramo da avenida Che Guevara en Coruxo.

Oleiros novamente na esfera política internacional coa inauguración do Paseo Pepe Mujica o sábado 17 de outubro

Pablo Cibeira Taboada — Sat, 03 Oct 2026 13:28:00 GMT

Unha vez máis, a política que desenvolve o Concello de Oleiros traspasa fronteiras. Nesta ocasión será con motivo do acto de inauguración do Paseo Pepe Mujica, que está a suscitar un grande interese en Uruguai, o que motivará a presenza en Oleiros dunha das políticas máis importantes que hai no país na actualidade, a senadora do Frente Amplio Blanca Rodríguez.

A Xunta tamén lle nega a Oleiros e ao alumnado do IES Miraflores e Cristo Rey un servizo de transporte público digno

Sara López Gómez — Sat, 03 Oct 2026 07:30:00 GMT

Numerosas persoas están a dirixirse ao Concello nos últimos días para manifestar o seu malestar polo pésimo funcionamento do servizo de transporte público que dá servizo á capital do municipio e ao alumnado de bacharelato do IES Miraflores e do colexio Cristo Rei. Incomprensiblemente, as liñas B3 e B6 non contemplan os horarios de entrada e saída das aulas o que provoca que os autobuses circulen ateigados, que teñan que quedar persoas sen poder montar, que o alumnado non poida chegar ao instituto antes do horario de inicio das clases...

O Concello inicia o proceso para demoler un edificio inacabado en Iñás

Sara López Gómez — Fri, 02 Oct 2026 12:00:00 GMT

O Concello de Oleiros abriu un expediente para caducar a licenza dun edificio inacabado en Iñás, na rúa Mandín. Posteriormente procederase a ordenar á propiedade a demolición do edificio, que de non executar nos prazos establecidos efectuará directamente o Concello cargándolle todos os custos económicos.

O Concello e a comunidade escolar reclaman á Xunta cubrir o patio posterior do colexio de Santa Cruz

Sara López Gómez — Fri, 02 Oct 2026 11:01:00 GMT

Ante a desatención total por parte da Xunta de Galicia do Colexio Parga Pondal de Santa Cruz, o Concello procederá de forma inmediata a acometer diversas obras menores de mellora no centro escolar. Principalmente vaise actuar no patio posterior para mellorar o seu uso nos días de chuvia e tamén se procederá modificar a ordenación dos accesos exteriores para mellorar a seguridade na recollida do alumnado.

O Concello de Oleiros organiza unha ruta familiar polas terras do castelo-fortaleza de San Paio de Narla (Friol) o 18 de outubro

Sara López Gómez — Fri, 02 Oct 2026 06:54:00 GMT

O Concello de Oleiros organiza o vindeiro domingo 18 de outubro unha ruta familiar polas terras do castelo-fortaleza de San Paio de Narla.

O modelo político de Oleiros, exemplo de referencia para a Universidade de Santiago

Sara López Gómez — Thu, 01 Oct 2026 07:31:00 GMT

O modelo político transformador de Oleiros será un dos eixos do Foro Territorios que lideran que organiza a Universidade de Santiago de Compostela a próxima semana. Representantes municipais –entre os que estará o alcalde Ángel García Seoane-, responsables públicos e profesionais técnicos de distintas administracións debaterán sobre o futuro dos gobernos locais.

Continúa aberta a inscrición para a I Carreira Popular Concello de Oleiros

Sara López Gómez — Wed, 30 Sep 2026 10:45:00 GMT

Segue aberto o prazo de inscrición para participar na I Carreira Popular Concello de Oleiros, unha nova competición deportiva municipal que se celebrará o próximo domingo 18 de outubro, cun percorrido de 8,5 km con saída e chegada en Iñás, percorrendo tamén a parroquia de San Pedro de Nós.

O xoves abre o prazo de inscricións para as actividades de envellecemento activo

Sara López Gómez — Tue, 29 Sep 2026 12:07:00 GMT

Un total de 774 persoas retomaron as distintas actividades de ximnasia, ioga e relaxación e taller de memoria para veciños e veciñas maiores de 65 anos organizadas polo Concello. Aquelas persoas interesadas en incorporarse aos grupos xa en funcionamento poden apuntarse desde o vindeiro xoves 1 de outubro ata o día 7 de outubro chamando polas tardes ao teléfono 981 610 000, de 16.00 a 19.00 horas. Tamén será posible apuntarse a través da web www.oleiros.org.

Sanidade Galega con Palestina trae á Fábrica unha exposición sobre o xenocidio en Palestina

Sara López Gómez — Tue, 29 Sep 2026 11:28:00 GMT

Continúa a campaña permanente do Concello de Oleiros de denuncia do xenocidio do pobo palestino, por parte do Goberno de Israel. Nesta ocasión, Sanidade Galega con Palestina, co apoio do Concello, BDS Coruña e o IES Terra de Xallas, inaugura este venres día 2 de outubro ás 19:30 h, no centro cultural A Fábrica de Perillo, unha exposición.

“Os dous de sempre”, de Castelao, abre o ciclo de teatro de outono este sábado en Mera

Sara López Gómez — Mon, 28 Sep 2026 08:17:00 GMT

"Os dous de sempre", de Mofa & Befa, dirixida por Quico Cadaval, chega ao auditorio Gabriel García Márquez este sábado 3 de setembro ás 20:30 horas.

Grande éxito das festas e actos culturais deste verán

Pablo Cibeira Taboada — Sun, 27 Sep 2026 15:36:00 GMT

Coa celebración onte en Maianca da romaría de San Cosme, na que participaron máis de 1.500 persoas, púxose un broche de ouro a un verán cultural e festivo marabilloso en todo Oleiros. O Concello agradece a todas as comisións de festas e asociacións veciñais o seu xeneroso traballo.

Recepción institucional ao subcampión mundial Alberto Fidalgo na Casa do Concello

Sara López Gómez — Fri, 25 Sep 2026 11:50:00 GMT

O alcalde, Ángel García Seoane, e a concelleira de Deportes, Teresa Vázquez, recibiron oficialmente na Casa do Concello ao marchador nórdico Alberto Fidalgo, recente subcampión do mundo de marcha nórdica en Finlandia. Un merecido recoñecemento institucional ante estes novos éxitos deste extraordinario deportista, resultado dun esforzo e dedicación persoal sobresaínte.

Reporteiros Sen Fronteiras recoñece ao Concello de Oleiros polo seu compromiso coa liberdade de prensa

Sara López Gómez — Fri, 25 Sep 2026 11:44:00 GMT

Reporteiros sen Fronteiras distinguiu o Concello de Oleiros como “entidade aliada pola liberdade de prensa” polas “iniciativas en prol da liberdade de prensa e información”. Entre outras, destacan a defensa pública do xornalismo independente e do papel dos medios de comunicación libres no mantemento da democracia ou o acollemento de mulleres xornalistas defensoras dos dereitos humanos, ameazadas de morte nos seus países de orixe.

O goberno municipal apoia de forma incondicional ás traballadoras da limpeza a través dun manifesto no Pleno

Sara López Gómez — Fri, 25 Sep 2026 09:08:00 GMT

Manifesto