Novas

Próxima apertura do prazo para solicitar un dos 19 novos pisos de protección en Oleiros

Sara López Gómez — Tue, 31 Mar 2026 12:37:00 GMT

O Concello de Oleiros continúa coa súa política de creación de vivenda protexida mediante cooperativas. Ás 148 vivendas que xa se atopan actualmente en construción nas localidades de Perillo, Xaz e Mera; vanse sumar proximamente outros 19 pisos protexidos no centro de Oleiros, na praza da Rabadeira.

O Concello denuncia o peche da sucursal do banco Santander en Santa Cruz

Sara López Gómez — Mon, 30 Mar 2026 12:10:00 GMT

A partir do 10 de abril a oficina do Banco Santander de Santa Cruz pechará as súas portas ao público prexudicando a máis de 15.400 veciños de Liáns e Dorneda e a máis de 750 empresas e autónomos.

A Aula do Mar e a oficina de información turística de Santa Cristina modifican os seus horarios de atendemento durante a Semana Santa

Sara López Gómez — Mon, 30 Mar 2026 08:11:00 GMT

Tanto a Aula do Mar de Mera como a Oficina de Información Turística de Santa Cristina permanecen abertas ao público.

O modelo urbano de Oleiros recibe o recoñecemento internacional en Oporto como referente de espazo público e mobilidade

Pablo Cibeira Taboada — Fri, 27 Mar 2026 17:28:00 GMT

O concelleiro de Mobilidade, Pablo Cibeira, participou esta mañá en Oporto nas xornadas internacionais sobre espazo público organizadas pola prestixiosa entidade portuguesa Instituto de Cidades e Vilas com Mobilidade. Durante a súa intervención o edil destacou a importancia das políticas aplicadas polo Goberno municipal de Alternativa dos Veciños durante os últimos 48 anos, o que permitiu que Oleiros pasase de contar con apenas 3 edificios públicos no 1978 a un total de 143 na actualidade, así como 1.200.000 metros cadrados de parques, bosques e zonas verdes públicas.

Máis de 260 persoas conseguiron traballo en 2025 a través do CMF Isaac Díaz Pardo

Sara López Gómez — Thu, 26 Mar 2026 13:08:00 GMT

Un total de 171 persoas por conta allea e 35 a través do autoemprego conforman os 206 postos de traballo nos que de algún xeito participou o dispositivo municipal de mitigación do paro incluído no Centro de Formación Isaac Díaz Pardo. Durante 2025 foron ofrecidos un total de 512 postos ás persoas demandantes de emprego. En total, o centro atendeu a 3.514 persoas e foron mobilizadas e informadas sobre as ofertas de emprego 1.538.

Inaugúrase unha exposición sobre a camelia en Esther Pita

Sara López Gómez — Wed, 25 Mar 2026 13:51:00 GMT

O alcalde anima á Xunta ou Deputación a recuperar a finca Torre de Lama, en Mañón, unha gran xoia botánica de gran extensión e importancia

Continúan os bailes para maiores, este sábado en Nós

Sara López Gómez — Wed, 25 Mar 2026 09:16:00 GMT

De Baile en Baile é o nome dun novo programa cultural e de convivencia entre persoas maiores que se consolida como referente de festa e ocio activo. Os bailes celebraranse os sábados pola tarde nas distintas casas do pobo.

O modelo urbano de Oleiros, exemplo de referencia internacional

Pablo Cibeira Taboada — Tue, 24 Mar 2026 14:04:00 GMT

O urbanismo humanista de Oleiros será, xunto con outras destacadas actuacións de cidades portuguesas e españolas, un dos eixos do congreso anual do prestixioso Instituto de Cidades e Vilas com Mobilidade portugués. O encontro vaise celebrar en Oporto esta semana, o xoves e o venres.

Novas sancións por depositar escombros e electrodomésticos nos contedores dos Galgos

Sara López Gómez — Tue, 24 Mar 2026 13:46:00 GMT

O Concello continúa a abrir novos expedientes sancionadores a persoas que incumpren as normas para o depósito do lixo. Estes días acaba de ser identificado un novo individuo depositando escombros de obra, madeiras, unha neveira e anteparos na zona de contedores da rúa do Bufo, nos Galgos.

O Concello contratará 47 persoas para o servizo de salvamento e socorrismo nas praias

Sara López Gómez — Tue, 24 Mar 2026 13:43:00 GMT

O Concello de Oleiros contratará 47 novos traballadores e traballadoras para o servizo de salvamento e socorrismo. Cubriranse 36 prazas de socorristas, 6 de patróns/as de embarcacións, 3 de auxiliares de información e primeiros auxilios en espazos acuáticos naturais, unha de supervisor/a e unha de xefe/a de equipo.

Oleiros apagará as luces o sábado 28 para reivindicar a loita contra o cambio climático

Sara López Gómez — Mon, 23 Mar 2026 11:56:00 GMT

O vindeiro sábado 28, entre as 20:30 e as 21:30 horas, a iluminación da Casa do Concello, do Castelo de Santa Cruz, da avenida Ernesto Che Guevara e dos paseos da Ría, de Santa Cruz e de Mera permanecerá apagada para denunciar o cambio climático e demandar unha actuación conxunta dos estados do mundo contra este grave problema.

O Concello agarda novidades positivas en relación ás distintas demandas de mellora do transporte

Sara López Gómez — Mon, 23 Mar 2026 11:52:00 GMT

O anuncio publicado na prensa sobre a posible creación do autobús desde Perillo á Universidade parte das demandas realizadas desde o Concello de Oleiros. “Antes de reunirse con nós xa están anunciando que van facer o que lles pedimos, agardamos que así sexa”, comentou o alcalde Ángel García Seoane.

Nova campaña de apoio e cooperación do Concello de Oleiros con Cuba ante o bloqueo xenocida de Trump

Pablo Cibeira Taboada — Fri, 20 Mar 2026 21:32:00 GMT

Ademais da campaña permanente de denuncia política do bloqueo, o Concello está a preparar un novo envío de alimentos e material sanitario e educativo á illa. O Goberno municipal está a realizar distintas xestións con hospitais, centros de ensino, universidades e ONG para coordinar o envío da maior cantidade de contedores marítimos posibles. Este programa de cooperación verase incrementado economicamente polas doazóns que calquera cidadán pode realizar á conta solidaria permanente do Concello de Oleiros (ES12-2080-0064-9830-4001-1138).

Elevada participación no premio literario do Concello con 238 relatos

Sara López Gómez — Fri, 20 Mar 2026 10:06:00 GMT

Luca Calvo, Icía Santiago, Inés Castiñeira, María Victoria Tomé e María Verónica Campos resultaron ganadores e ganadoras do XII Premio Literario Descubrindo Oleiros que organiza o Concello. A participación, una ano máis, volveu incrementarse ata os 238 textos presentados.

O Concello solicita colaboración cidadá ante roubos de cable no alumeado público

Sara López Gómez — Wed, 18 Mar 2026 13:42:00 GMT

Durante os últimos días producíronse diversos roubos de cable de cobre dos alumeados públicos. Para evitar novos roubos o Concello solicita que os veciños chamen á Policía Local -981610001- en caso de ver algunha persoa actuando nas inmediacións das farolas municipais.

O Concello reclama especial atención policial en Alfonso Molina ante o corte de tráfico nas Xubias

Sara López Gómez — Tue, 17 Mar 2026 13:14:00 GMT

Debido ás obras de demolición do viaducto de acceso ao CHUAC, a Xunta procederá ao corte total da estrada de acceso á Coruña polas Xubias os días 30, 31 de marzo e 1 de abril, entre o Burguer King e Servisa. Agás para dirixirse ao Materno, todo o tráfico de entrada á cidade terá que circular exclusivamente por Alfonso Molina; e para acceder ao CHUAC haberá que coller a rotonda de Matogrande e o túnel de Eirís.

Abre o prazo de matriculación nas catro escolas infantís públicas de Oleiros para o curso 2026/2027

Sara López Gómez — Mon, 16 Mar 2026 13:11:00 GMT

O prazo para a presentación de solicitudes nas catro escolas infantís do Concello de Oleiros para o próximo curso 2026/2027 permanecerá aberto desde o 17 de marzo ata o 7 de abril. Ata ese día poderán tramitarse tanto as reservas de prazas para os nenos e nenas que xa están acudindo ás escolas como as solicitudes de novo ingreso.

Renovación do DNI e do pasaporte o 7 e 8 de abril na Praza Esther Pita en Santa Cruz

Sara López Gómez — Mon, 16 Mar 2026 09:47:00 GMT

Unha unidade móbil de expedición do DNI desprazarase á Praza Esther Pita en Santa Cruz os días 7 e 8 de abril para realizar os trámites de renovación do documento nacional de identidade e de pasaportes.

Continúan os bailes para maiores, este sábado en Iñás

Sara López Gómez — Mon, 16 Mar 2026 09:17:00 GMT

A obra teatral "O Proceso" de Candido Pazó este sábado en Mera

Sara López Gómez — Mon, 16 Mar 2026 08:00:00 GMT

O Proceso , de Malasombra, chega ao auditorio Gabriel García Márquez este sábado 21 de marzo ás 20:30 horas.