Novas

O Concello proporcionará leña gratuíta nas praias para o San Xoán

Sara López Gómez — Mon, 01 Jun 2026 09:26:00 GMT

A noite de San Xoán, o Concello porá leña a disposición da veciñanza nas praias gratuitamente. Desta maneira pretende evitarse a contaminación dos areais con materiais ou obxectos que tamén poden provocar danos a bañistas e persoas usuarias das praias.

O sábado celébrase a Romaría das Merendiñas

Pablo Cibeira Taboada — Sun, 31 May 2026 03:42:00 GMT

Todas as persoas maiores de 65 anos están convidadas a participar na Romaría das Merendiñas que se celebrará o vindeiro sábado 6 de xuño, a partir das 13:00 horas, nos xardíns das Torres de Santa Cruz. Para poder acceder á festa é imprescindible presentar a invitación que recibiron ou recibirán estes días nos seus domicilios.

Comezan as rutas de sendeirismo do programa Ven e Descubre con éxito de participación

Pablo Cibeira Taboada — Sat, 30 May 2026 07:54:00 GMT

Máis dun centenar de veciños e veciñas participaron na ruta "Camiñando por Oleiros", a primeira das saídas de sendeirismo do programa municipal Ven e descubre. O percorrido, de 13 km de distancia polas parroquias de Iñás e Nós combinou envellecemento activo, patrimonio e natureza, unha actividade creada polo Goberno municipal para promover a saúde, a socialización e o coñecemento do patrimonio local.

O luns comeza a funcionar a zona ORA nas inmediacións das praias

Sara López Gómez — Sat, 30 May 2026 07:00:00 GMT

Este luns día 1 de xuño comeza a funcionar o sistema de cobro por estacionamento nalgúns aparcadoiros das inmediacións das praias de Santa Cristina, Bastiagueiro, Santa Cruz, Naval, Mera e Canabal. A ORA estará activa durante toda a tempada de verán, ata o 15 de setembro, de luns a domingo, en horario de 12.00 a 20.00 horas. A tarifa parte dos 0,70 céntimos que posibilita estacionar unha hora, ata os 5,50 euros que permiten deixar o vehículo durante todo o día. Tamén hai tramos intermedios, como o de 1,50€ (2h), 2,50€ (3h) ou 3,50 euros, para aparcar durante 4 horas.

O Concello volverá financiar o próximo curso o custo íntegro do comedor daqueles nenos e nenas en graves dificultades económicas

Pablo Cibeira Taboada — Fri, 29 May 2026 13:38:00 GMT

Desde o 1 ata o 30 de xuño estará aberto o prazo para solicitar subvencións para comedores escolares. As axudas serán para cubrir o 100 %, o 60 % ou o 40% do custo do comedor, en función da renda familiar de cada neno ou nena.

Proxeccións na Fábrica o día 4 polo aniversario do cosmódromo de Baikonur

Sara López Gómez — Fri, 29 May 2026 11:25:00 GMT

O Centro Cultural A Fábrica acollerá o próximo xoves 4 de xuño ás 20:00h a proxección de dúas películas polo aniversario do cosmódromo de Baikonur: “Converterse en cosmonauta” e “Gagarin”.

O maxistrado Martín Pallín enche o teatro das Torres e dá unha lección única sobre o funcionamento do sistema xudicial

Pablo Cibeira Taboada — Fri, 29 May 2026 10:12:00 GMT

A memorable charla pronunciada polo maxistrado Martín Pallín —nado na Coruña en 1936, pouco antes do golpe militar, como lle gusta lembrar— serviu para facer un completo diagnóstico da relación entre xustiza e política na España actual. Foi na presentación do seu libro “Visto para sentencia. Jueces e ideología en la Justicia española” (Siglo XXI Editores).

Continúa a campaña de denuncia de abandono das estradas da Xunta en Oleiros

Sara López Gómez — Wed, 27 May 2026 10:23:00 GMT

Esta mañá procedeuse á colocación dun novo cartel de grandes dimensións para denunciar in situ, nas estradas autonómicas, a marxinación coa que está a actuar o Goberno da Xunta en Oleiros. O novo letreiro instalouse na avenida República Uruguai na que os veciños e veciñas de Oleiros e Dorneda teñen que xogarse a vida literalmente para poder desprazarse a pé por esta estrada de titularidade autonómica.

Mostra de fin de curso dos obradoiros de teatro infantís o sábado 30 de maio nas Torres de Santa Cruz

Sara López Gómez — Wed, 27 May 2026 09:27:00 GMT

O Centro Cultural As Torres, en Santa Cruz, acollerá o sábado 30 de maio ás 11:30 horas a representación de fin de curso do grupo de teatro infantil.

O acto co maxistrado Martín Pallín será nas Torres de Santa Cruz o xoves

Pablo Cibeira Taboada — Tue, 26 May 2026 11:54:00 GMT

Ante a grande expectación existente, a presentación do novo libro do prestixioso xurista galego José Antonio Martín Pallín, titulado Visto para sentencia. Jueces e ideología en la Justicia española será no auditorio das Torres de Santa Cruz, este xoves 28 de maio ás 19:00 horas. O acto estará conducido pola recoñecida xornalista Isabel Bravo e contará coa participación do alcalde, Ángel García Seoane.

Curso sobre o mundo dixital e IA no Centro de Formación Isaac Díaz Pardo

Sara López Gómez — Mon, 25 May 2026 11:10:00 GMT

O Centro Municipal de Formación acollerá os días 3, 4, 10 e 11 de xuño un curso presencial para maiores de 18 anos sobre a seguridade nu mundo dixital e a intelixencia artificial.

Baile para maiores, este sábado en Nós

Sara López Gómez — Mon, 25 May 2026 11:02:00 GMT

De Baile en Baile é o nome do programa cultural e de convivencia entre persoas maiores que se consolida como referente de festa e ocio activo. Os bailes celébranse os sábados pola tarde nas distintas casas do pobo.

Máis de 5 millóns de investimentos na rede de auga no presente ano

Pablo Cibeira Taboada — Fri, 22 May 2026 11:57:00 GMT

Continúa en marcha o proceso de renovación das redes de abastecemento de auga máis antigas. Xa están finalizadas as obras de Nós, na avenida Salvador Allende, e da Costa da Tapia, a tubaxe xeral de entrada ao municipio. En breve rematarase o tramo Oleiros- A Pezoca e nos próximos días iniciarase tamén a conexión desde o depósito da Edreira ata Oleiros. Ademais, no presente ano finalizarase a renovación da tubaxe xeral de Montrove, desde Lamastelle ata Perillo, e a rúa Talagra, en Dorneda.

O maxistrado Martín Pallín presenta o xoves nas Torres de Santa Cruz o seu último libro

Pablo Cibeira Taboada — Fri, 22 May 2026 11:55:00 GMT

Oleiros acollerá o vindeiro xoves 28 de maio ás 19:00 horas nas Torres de Santa Cruz a presentación do novo libro do prestixioso xurista galego José Antonio Martín Pallín, titulado Visto para sentencia. Jueces e ideología en la Justicia española. O acto estará conducido pola recoñecida xornalista Isabel Bravo e contará coa participación do alcalde, Ángel García Seoane.

Presentación de “El libro de mi vida” o mércores 27 na Casa Charry

Sara López Gómez — Thu, 21 May 2026 08:11:00 GMT

A Casa Charry (Oleiros) acollerá o vindeiro mércores ás 18:00 horas a presentación da obra “El libro de mi vida”, unha ferramenta de estimulación cognitiva para acompañar, fortalecer a memoria, a identidade e o benestar emocional de pacientes con demencia.

A Universidade premia ao alcalde en recoñecemento ao seu apoio político e institucional ao INEF

Pablo Cibeira Taboada — Tue, 19 May 2026 13:17:00 GMT

A Universidade da Coruña concedeu ao alcalde de Oleiros, Ángel García Seoane, o premio Pazo de Prata INEF Galicia en recoñecemento ao seu apoio político e institucional á Facultade de INEF. A actuación do alcalde, xunto co presidente provincial Enrique Marfany, foi determinante para que o INEF se instalase en Oleiros e non en Vigo, como se pretendía.

O Centro Cultural A Fábrica acollerá a mostra pictórica “Mar e silencios. Da paisaxe ao pulso interior” de M. Rojo do 27 de maio ao 9 de xuño

Sara López Gómez — Tue, 19 May 2026 10:20:00 GMT

O Centro Cultural A Fábrica, en Perillo, acollerá desde o mércores 27 de maio a mostra de pintura de M. Roj acompañada por poemas de Mercedes Cosque.

Gran musical Aladdín o domingo no parque da Lagoa de Mera

Sara López Gómez — Mon, 18 May 2026 13:03:00 GMT

O Concello organiza este domingo 24 de maio, ás 17.00 horas no parque da Lagoa de Mera, un gran musical no que máis de 200 artistas interpretarán unha adaptación musical da película Aladdín, o clásico de Disney. Participará a Orquestra Sinfónica e os coros da Escola Municipal de Música, o coro “Tremenda Tremolina” e un grupo da Escola Municipal de Danza

Baile para maiores, este sábado en Dorneda

Sara López Gómez — Mon, 18 May 2026 08:48:00 GMT

Ciclo de cine nas Casas da Mocidade para promover o debate e a reflexión sobre temas de actualidade

Sara López Gómez — Mon, 18 May 2026 07:00:00 GMT

O Concello de Oleiros pon en marcha unha nova iniciativa para crear un espazo de encontro entre mozos, mozas e as súas familias para tratar temas como o acoso escolar, as relacións de parella ou o uso das redes sociais. A través da proxección de distintas películas nas Casas da Mocidade iranse mantendo debates e charlas interxeracionais sobre cuestións que marcan a súa vida cotiá.