A Policía Local de Oleiros, en colaboración coa Concellería de Servizos Sociais, vai impartir dúas sesións informativas sobre seguridade vial dirixidas ás persoas maiores.
As charlas serán en:
¿ Casa do Pobo de Mera, xoves 12 de decembro, ás 17:00 horas
¿ Casa do Pobo de Nós, venres 13 de decembro, ás 19:00 h
Cando se vai camiñando sempre hai que ter moito coidado, pero agora que chega o inverno hai que extremar as precaucións, polo que se van organizar estas dúas charlas nas que ademais de recomendacións e consellos para camiñar seguros se entregarán ás persoas que participen uns chalecos reflectantes co fin de facerse mais visibles.
O exercizo físico e saír a pasear é fundamental para manterse activo e nun bo estado de saúde, pero é clave facelo dunha forma segura e seguindo as recomendacións que nos transmiten os expertos en seguridade vial, non hai que esquecer que Galicia é unha das comunidades autónomas onde se producen mais mortos por atropello.
Dentro das actividades do Programa de "Envellecemento activo" da Concellería de Servizos Sociais, as persoas maiores do Concello de Oleiros participarán no "Plan Mayor Seguridad" do Ministerio do Interior.
O dito plan consiste nunha serie de charlas informativas, impartidas por especialistas da materia da Guardia Civil, para que os nosos maiores adopten medidas de protección na vida diaria que reforcen a súa seguridade. 
