Concello de Oleiros

Concello de Oleiros

Sanidade
Portada » Temas » Sanidade
   

NOVAS

     

OLEIROS PON EN MARCHA UN NOVO OBRADOIRO PARA PERSOAS COIDADORAS DUN FAMILIAR CON DEPENDENCIA

Un dos obxectivos da concellería de Servizos Sociais do Concello de Oleiros é mellorar a calidade de vida das persoas coidadoras a través dos grupos Descubrindo Emocións e Coidando Emocións. Estes obradoiros ofrecen un espazo de apoio terapeútico no que as persoas coidadoras poden ser apoiadas, escoitadas e comprendidas, un lugar no que se comparten emocións, preocupacións e medos similares. Unha oportunidade para facer "normais" moitas desas preocupacións e ver que son sentimentos comúns aos doutras persoas. Este obradoiro chamado Descubrindo emocións que se inicia o próximo 8 de outubro durará ata o 26 de novembro, en 8 sesións semanais de hora e media. En concreto as sesións serán os luns, de 16:30 a 18:00 h no Centro de Formación Municipal en Os Regos. As persoas interesadas en participar poden contactar cos Servizos Sociais de Oleiros a través do teléfono de atención ao veciño 981 610 000. Desenvolvese a través dunha colaboración entre o equipo técnico dos Servizos Sociais de Oleiros con profesionais da Asociación de Familiares de Alzheimer da Coruña, AFACO, entidade con ampla experiencia neste campo. Nestes grupos o obxectivo é reducir a aparición de trastornos psicolóxicos e o malestar emocional provocado pola responsabilidade de coidar. Detrás de moitos enfermos dependentes hai unha persoa moi próxima a eles volcada no seu coidado e atención que desemboca en problemas emocionais, depresións, unha visión pesimista do entorno, estrés, ansiedade... Tamén adquiren habilidades para enfrontarse a eses problemas e voltar a desfrutar a vida sen deixar de atender e coidar so seus seres queridos

CHARLA SOBRE AS AFECCIONS REUMATOLÓXICAS

O próximo xoves 14 de abril, ás 19:30 h, nas Torres de Santa Cruz en Oleiros vaise celebrar unha charla sobre as distintas afección reumatolóxicas. Dentro do ciclo de charlas que se desenvolven habitualmente desde a Concellería de Servizos Sociais e Sanidade do Concello de Oleiros existe un dobre obxectivo: achegar á poboación un maior coñecemento das enfermidades que lles afectan e, por outra banda, poñer en contacto as persoas coas asociacións que agrupan os colectivos de persoas afectadas. Nesta ocasión cóntase coa colaboración da Liga Reumatolóxica Galega, entidade que asesora e defende os intereses das persoas afectadas por todas estas enfermidades. Na charla participarán as seguintes persoas: • Dr. Jesús Carlos Fernández López, reumatólogo do Complexo Hospitalario Universitario da Coruña. • Lucía Fernández, terapeuta ocupacional da Liga Reumatolóxica Galega. • Ana Vázquez Lojo, paciente experto. Artrite, artrose, espondilite, fibromialxia... son varias das enfermidades que se engloban baixo o concepto de enfermidades reumatolóxicas e que afectan a unha gran parte da poboación, especialmente ás persoas maiores pero tamén á xente nova e incluso teñen incidencia na poboación infantil. Soen ser enfermidades que producen moita dor ás persoas que as padecen e nas que uns hábitos de vida saudables son moi importantes para poder combatelas.

O CONCELLO DE OLEIROS INICIA UNHA NOVA EDICIÓN DO PROGRAMA DE APOIO A PERSOAS COIDADORAS

Este próximo mes de novembro, dende a Concellería de Servizos Sociais e Sanidade do Concello de Oleiros, iníciase unha nova edición do Programa de Apoio á Persoas Coidadoras "Descubrindo emocións" O obxectivo do programa está enfocado ao apoio a persoa coidadora co fin de mellorar a súa calidade de vida, reducir a aparición de trastornos psicolóxicos e conseguir a mellor adaptación posible do coidador á situación que está a vivir a diario no seu rol de coidadora, dotándolle de estratexias para manexar dunha forma axeitada as situacións de estrés coas que se enfronta. Coidar ao que coida", con esta frase se resume a importancia fundamental que ten o apoio á persoa que asume a responsabilidade na atención as persoas enfermas ou dependentes, xa que ademais do apoio directo que se presta a través doutros programas como axuda no fogar, centros de día, comida sobre rodas, teleasistencia..., o benestar da persoa coidadora é a mellor forma de contribuir ao benestar das persoas que coidan. Nesta nova edición o programa se amplía e se engade unha actividade nova ademais das que xa se veñen desenvolvendo dende fai varios anos.

Un novo grupo dos obradoiros "Descubrindo emocións" iniciase o próximo martes 28 de abril.

Estas actividades ofrecen as persoas coidadoras un espazo terapéutico de apoio. Un espazo onde poidan sentirse escoitadas, apoiadas e comprendidas. As persoas coidadoras conectan con outras persoas con problemas e intereses comúns, comparten as emocións , as preocupacións e os medos similares os seus, unha oportunidade para facer "normais" certos pensamentos e preocupacións, ao comprobar que son comúns noutras persoas. Como obxectivos mellorar a calidade de vida das persoas coidadoras e reducir a aparición de trastornos psicolóxicos implicados nas tarefa de coidar, conseguir a mellor adaptación posible do coidador, dotándolle de estratexias para manexar dunha forma axeitada a situación de estres coa que se enfrontan. Os obradoiros están dirixidos polo psicólogo Juan Bonome e a musico terapeuta Adriana Beutel As sesións se realizarán no horario de 16:30 ás 18:00 durante oito xornadas, entre o 28 de abril e o 16 de xuño. Este obradoiro está dirixido as persoas coidadoras de familiares, non a coidadores profesionais. Se desexan participar poden chamar ao teléfono 981610000 dos Servizos Sociais de Oleiros, en horario de 8:00 ás 15:00 e concertar unha cita coa traballadora social.

ABRENSE AS INSCRICIONS DE OBRADOIROS DE CRECEMENTO PERSOAL PARA MULLERES

A concellería de Servizos Sociais do Concello de Oleiros pon en marcha o Programa "Creando o noso mapa", unha serie de actuacións previstas no I Plan para a Igualdade de Trato e non Discriminación entre Mulleres e Homes (2011-2015) que teñen como obxectivo o fortalecemento das mulleres en todos os ámbitos, traballando as emocións e o seu benestar físico a través da expresión corporal e as artes. Estes dous obradoiros teñen prazas limitadas e son gratuitos, para participar neles teñen que inscribirse previamente a través do teléfono de atención ao veciño do Concello de Oleiros, no 981 610 000, ou ben nas propias oficinas do Departamento de Servizos Sociais.

   

LIGAZÓNS

     
Entidades financiadoras
Goberno de España Comunidade Económica Europea Plan Avanza