Concello de Oleiros

Concello de Oleiros

Medio ambiente
Portada » Temas » Medio Ambiente
   

NOVAS

     
« Atrás

Os maiores de Oleiros visitarán "Os paraísos cercanos".

 

  Este programa conta cunha gran aceptación entre as persoas maiores de 60 anos de Oleiros, xa que ofrece a posibilidade de coñecer a fondo novos lugares, enriquecerse con novos coñecementos e establecer relacións con novos e vellos compañeiros.

 
As viaxes convértense nun lugar de intercambio de coñecementos, desexos, ideas e valores, así como un punto de partida de novas relacións e amizades.
 
Nesta presentación coñeceranse as rutas previstas, imaxes das viaxes do ano pasado e alguna actividade relacionada co programa deste ano na que participen os propios protagonistas.
 
 
As rutas vanse realizar en dous formatos diferentes:
 
  • Excursións en autobús,con pequenos itinerarios guiados
 
  • Rutas de sendeirismo guiado onde se introduce o grupo dunha maneira máis directa e activa có entorno, sen esquecer a importancia que ten o compoñente físico da actividade.
  
O Concello de Oleiros oferta dentro este programa un total de 2280 prazas dirixidas ás persoas maiores de 60 anos empadroadas en Oleiros.
 
En total serán 18 rutas de excursionismo e 12 de senderismo, que permitirán que todas as veciñas e veciños de Oleiros maiores de 60 anos coñezan estes Paraísos cercanos.
 
As persoas que lle interese coñecer mais a fondo o programa poderán recoller o folleto informativo o día da presentación e a partir do día seguinte en calquera das numerosas instalacións municipais. Tamén poden consultar a información a través da páxina web www.oleiros.orgno apartado da Concellería de Servizos Sociais.
 
RUTAS DE EXCURSIONISMO
DO MIÑO A PORTUGAL
Tui, Monçao, Monte Aloia
 
Visita histórica polo casco vello de Tui, descubrindo a catedral románica do século XII. Gozaremos da paisaxe do río Miño, fronteira natural con Portugal, onde nos trasladaremos para coñecer as súas vilas fronteirizas.
 
A HISTORIA DO MAR
Rías de Noia-Muros
 
Enclavadas no paraíso natural da ría que leva o seu nome, Muros (vila mariñeira) e Noia (vila medieval), unidas pola historia e o mar, agochan interesantes tesouros por descubrir.
 
A COSTA SALVAXE
Desde Vimianzo a Camariñas
 
O cabo Vilán, desde hai 80 anos, é testemuña da dureza dunha costa escarpada e de gran beleza que aínda se conserva salvaxe 
No Castelo de Vimianzo vivíronse desde a súa construción (a finais do século XII), numerosos feitos que escribiron máis dunha páxina da historia de Galicia. Xuntos nos mostrarán as orixes dunha comarca mariñeira e a vila de Camariñas que da nome a artesanía do encaixe.
 
 
 
RUTAS DE SENDEIRISMO
 
DESCUBRIR A COMARCA DAS MARIÑAS
Desde Oleiros a Cecebre 
 
Queremos descubrir aos nosos veciños. Nesta ruta a través de camiños novos trasladarémonos desde Oleiros a Cecebre
AS INSUAS DO MIÑO
Por terras de Rábade.
 
A Reserva de Biosfera Terras do Miño alberga unha das mellores representacións de ecosistemas naturais atlánticos, con grandes carballeiras e bosques de ribeira, e camiños que conservan aínda retazos da vida labrega.
AS CATEDRAIS DA MARIÑA LUCENSE
Desde Rinlo A Foz.
 
Descubriremos nesta ruta dúas catedrais, unha creada pola natureza e outra polo home. Polo sendeiro costeiro desde Rinlo a Foz que discorre pola beira do Cantábrico achegarémonos a escondida basílica de San Martiño,  unha das construcións altomedievais máis interesantes de Galicia, tanto que pola súa longa historia tende a ser identificada como a catedral máis antiga de España.
RUTA ATLÁNTICA ENTRE PÍAS E CACHOLAS.
Ruta polo monte Louro, Lira e Carnota
 
O monte Louro emerxe do mar e a súa silueta granítica avisa aos mariñeiros da presenza dos Leixóns e coa súa boina de nubes avisa da chegada da chuvia. Na nosa ruta rodearemos está mole granítica de 241 metros de altura ata a a lagoa de Xalfas e camiñaremos pola costa atlántica entre pías e cacholas no mar de Lira e Carnota.
 

Se desexa consultar prazos de inscricións e calendario das rutas, pode facélo descargando o programa nesta ligazón:

 

Paraísos cercanos

 

 

Os maiores de Oleiros visitarán "Os paraísos cercanos".

 

  Este programa conta cunha gran aceptación entre as persoas maiores de 60 anos de Oleiros, xa que ofrece a posibilidade de coñecer a fondo novos lugares, enriquecerse con novos coñecementos e establecer relacións con novos e vellos compañeiros.

 
As viaxes convértense nun lugar de intercambio de coñecementos, desexos, ideas e valores, así como un punto de partida de novas relacións e amizades.
 
Nesta presentación coñeceranse as rutas previstas, imaxes das viaxes do ano pasado e alguna actividade relacionada co programa deste ano na que participen os propios protagonistas.
 
 
As rutas vanse realizar en dous formatos diferentes:
 
  • Excursións en autobús,con pequenos itinerarios guiados
 
  • Rutas de sendeirismo guiado onde se introduce o grupo dunha maneira máis directa e activa có entorno, sen esquecer a importancia que ten o compoñente físico da actividade.
  
O Concello de Oleiros oferta dentro este programa un total de 2280 prazas dirixidas ás persoas maiores de 60 anos empadroadas en Oleiros.
 
En total serán 18 rutas de excursionismo e 12 de senderismo, que permitirán que todas as veciñas e veciños de Oleiros maiores de 60 anos coñezan estes Paraísos cercanos.
 
As persoas que lle interese coñecer mais a fondo o programa poderán recoller o folleto informativo o día da presentación e a partir do día seguinte en calquera das numerosas instalacións municipais. Tamén poden consultar a información a través da páxina web www.oleiros.orgno apartado da Concellería de Servizos Sociais.
 
RUTAS DE EXCURSIONISMO
DO MIÑO A PORTUGAL
Tui, Monçao, Monte Aloia
 
Visita histórica polo casco vello de Tui, descubrindo a catedral románica do século XII. Gozaremos da paisaxe do río Miño, fronteira natural con Portugal, onde nos trasladaremos para coñecer as súas vilas fronteirizas.
 
A HISTORIA DO MAR
Rías de Noia-Muros
 
Enclavadas no paraíso natural da ría que leva o seu nome, Muros (vila mariñeira) e Noia (vila medieval), unidas pola historia e o mar, agochan interesantes tesouros por descubrir.
 
A COSTA SALVAXE
Desde Vimianzo a Camariñas
 
O cabo Vilán, desde hai 80 anos, é testemuña da dureza dunha costa escarpada e de gran beleza que aínda se conserva salvaxe 
No Castelo de Vimianzo vivíronse desde a súa construción (a finais do século XII), numerosos feitos que escribiron máis dunha páxina da historia de Galicia. Xuntos nos mostrarán as orixes dunha comarca mariñeira e a vila de Camariñas que da nome a artesanía do encaixe.
 
 
 
RUTAS DE SENDEIRISMO
 
DESCUBRIR A COMARCA DAS MARIÑAS
Desde Oleiros a Cecebre 
 
Queremos descubrir aos nosos veciños. Nesta ruta a través de camiños novos trasladarémonos desde Oleiros a Cecebre
AS INSUAS DO MIÑO
Por terras de Rábade.
 
A Reserva de Biosfera Terras do Miño alberga unha das mellores representacións de ecosistemas naturais atlánticos, con grandes carballeiras e bosques de ribeira, e camiños que conservan aínda retazos da vida labrega.
AS CATEDRAIS DA MARIÑA LUCENSE
Desde Rinlo A Foz.
 
Descubriremos nesta ruta dúas catedrais, unha creada pola natureza e outra polo home. Polo sendeiro costeiro desde Rinlo a Foz que discorre pola beira do Cantábrico achegarémonos a escondida basílica de San Martiño,  unha das construcións altomedievais máis interesantes de Galicia, tanto que pola súa longa historia tende a ser identificada como a catedral máis antiga de España.
RUTA ATLÁNTICA ENTRE PÍAS E CACHOLAS.
Ruta polo monte Louro, Lira e Carnota
 
O monte Louro emerxe do mar e a súa silueta granítica avisa aos mariñeiros da presenza dos Leixóns e coa súa boina de nubes avisa da chegada da chuvia. Na nosa ruta rodearemos está mole granítica de 241 metros de altura ata a a lagoa de Xalfas e camiñaremos pola costa atlántica entre pías e cacholas no mar de Lira e Carnota.
 

Se desexa consultar prazos de inscricións e calendario das rutas, pode facélo descargando o programa nesta ligazón:

 

Paraísos cercanos

 

 

Entidades financiadoras
Goberno de España Comunidade Económica Europea Plan Avanza