Concello de Oleiros

Concello de Oleiros

Comunicación
Portada » Comunicación
   

Twitter

     
 
   

Non o podes perder

     
Os luns ás 13:20, o Alcalde na COPE, e os martes ás 12.55 na SER
 
   

NOVAS

     
« Atrás

O concurso de disfraces da Festa do Entroido de Oleiros repartirá 4.000 euros en premios

Oleiros, 2 de febreiro de 2018-. O venres 16 de febreiro vai festexarse o día grande do Entroido de Oleiros cunha grande festa, a partir das 19:00 horas, na Polideportiva Arsenio Iglesias de Santa Cruz, a carón do colexio Parga Pondal. Nesta Festa do Entroido, como é habitual,  non faltará o tradicional chocolate con churros, o concurso de disfraces, a espectacular actuación sorpresa a cargo da Compañía Municipal de Teatro e a orquestra Os Satélites, garantía de música, baile e diversión.

O concurso de disfraces, unha das grandes referencias na comarca coruñesa, repartirá 4.000 euros en premios entre dúas categorías: grupos e individuais-parellas. Este ano as parellas competirán na categoría de individuais, xa que son poucas e adoitan ter unha temática común. Ademais, haberá tres accésits, un en grupos e outros dous en individual-parellas, cun importe igual aos terceiros premios, para que o xurado poida premiar, se así o considera oportuno, aqueles disfraces que sexan merecedores dalgunha mención especial pola súa participación, enxeño ou especial animación choqueira característica desta festa.

As persoas interesadas en apuntarse ao concurso poden facelo a través do teléfono de atención ao veciño 981 610 000, do correo electrónico e.rodriguez@oleiros.org, nas oficinas de Servizos Sociais ou o mesmo día na propia festa antes das 19:30 horas.
 

O concurso de disfraces da Festa do Entroido de Oleiros repartirá 4.000 euros en premios

Oleiros, 2 de febreiro de 2018-. O venres 16 de febreiro vai festexarse o día grande do Entroido de Oleiros cunha grande festa, a partir das 19:00 horas, na Polideportiva Arsenio Iglesias de Santa Cruz, a carón do colexio Parga Pondal. Nesta Festa do Entroido, como é habitual,  non faltará o tradicional chocolate con churros, o concurso de disfraces, a espectacular actuación sorpresa a cargo da Compañía Municipal de Teatro e a orquestra Os Satélites, garantía de música, baile e diversión.

O concurso de disfraces, unha das grandes referencias na comarca coruñesa, repartirá 4.000 euros en premios entre dúas categorías: grupos e individuais-parellas. Este ano as parellas competirán na categoría de individuais, xa que son poucas e adoitan ter unha temática común. Ademais, haberá tres accésits, un en grupos e outros dous en individual-parellas, cun importe igual aos terceiros premios, para que o xurado poida premiar, se así o considera oportuno, aqueles disfraces que sexan merecedores dalgunha mención especial pola súa participación, enxeño ou especial animación choqueira característica desta festa.

As persoas interesadas en apuntarse ao concurso poden facelo a través do teléfono de atención ao veciño 981 610 000, do correo electrónico e.rodriguez@oleiros.org, nas oficinas de Servizos Sociais ou o mesmo día na propia festa antes das 19:30 horas.
 

Entidades financiadoras
Goberno de España Comunidade Económica Europea Plan Avanza