Con esta actuación, ademais, prolongarase o paseo da ría desde Beiramar ata o linde con Cambre e vaise recuperar a ría para o baño. “Despois do inicio da obra do túnel de Sol y Mar, esta é outra magnífica noticia. Despois de máis de 20 anos de loita de moitos colectivos para lograr a rexeneración da ría, por fin sae a contratación. Temos que felicitarnos todos e todas por lograr esta importante mellora para o benestar do conxunto dos cidadáns da comarca”, dixo o alcalde Ángel García Seoane.