Os veciños e as veciñas de Perillo, Montrove, Oleiros, Iñás e Sta Cruz xa se inscribiron para participar nas rutas de excursionismo que a Concellería de Servizos Sociais organiza para os maiores de 60 anos de Oleiros . Nesta semana poderán inscribirse as persoas das localidades de Dorneda e Maianca, a semana próxima serán os veciños e veciñas de Serantes, Dexo e Lorbé os días 17,18 e 19 de Abril e por último os veciños de Nos os días 20,23 e 24 de Abril.

Serán os veciños e veciñas de Perillo, Montrove e Os Regos os primeiros que poden apuntarse as rutas de excursionismo que área de Servizos Sociais organiza para os maiores de 60 anos de Oleiros. Para facilitar a inscrición das persoas que poden acollerse as numerosas prazas que se convocan, 2580, establécense diferentes períodos dependendo da localidade de orixe dos participantes .

Neste próximo xoves, 15 de Marzo,as 18:00 da tarde no auditorio de A Fábrica, a concellería de Servizos Sociais vai a presentar a poboación maior do Concello de Oleiros,"GALICIA EN LETRAS" a nova edición do programa Ven e Descubre na que a liña temática vai ser a nosa terra e as figuras da literatura galega.

Dentro das actividades do Programa de "Envellecemento activo" da Concellería de Servizos Sociais, as persoas maiores do Concello de Oleiros participarán no "Plan Mayor Seguridad" do Ministerio do Interior. O dito plan consiste nunha serie de charlas informativas, impartidas por especialistas da materia da Guardia Civil, para que os nosos maiores adopten medidas de protección na vida diaria que reforcen a súa seguridade.

Desde hai dezaoito anos o Concello de Oleiros vén organizando a festa do Entroido para os nosos maiores, á que asisten todos e todas os veciños e veciñas, co fin de manter e gozar desta festa tan enraizada na nosa cultura e tradición. Este ano a "Festa do Entroido" terá lugar o próximo venres 24 de febreiro e trasladase ao pavillón Arsenio Iglesias da localidade de Santa Cruz. A pesar do cambio de ubicación o programa da festa seguirá a ser o mesmo que outros anos, adicada a todas as persoas que desexen festexar o Entroido e cunha mirada especial aos nosos maiores. Comezará ás 18:00 h e ten previsto rematar contra as 22:15 h. Ao longo da tarde haberá diversas actividades entre as que se atopan a actuación da orquestra Os Satélites, o concurso de disfraces, con importantes premios, e unha merenda con chocolate quente e churros para as persoas maiores. Tampoco faltará a "actuación sorpresa" que cada ano agardan os veciños e veciñas de Oleiros e protagoniza o alcalde Angel García Seoane. Haberá tamén un servizo de autobuses gratuíto que percorrerá todas as localidades desde as 17:45 h para trasladar as persoas que o desexen ata a polideportiva de Santa Cruz.